Í vinnunni þessa daga eru kjörorðin okkar
árangur, ánægja, ábyrgð höfð að leiðarljósi eins og alltaf.
Í ljósi reynslu síðustu ára höfum við ákveðið að bjóða
ekki upp á nesti þessa daga – heldur óska eftir því að nemendur hafi með
sér nesti að heiman.
Matur verður alla dagana nema á föstudag, enda verða nemendur
þá á ferð og flugi.
Skólaselið er opið alla dagana.
Þriðjudagur 25. maí – Fjölþrautadagur
Allir mæta við íþróttahús, klæddir í samræmi við veður.
Hvetjum alla nemendur til að mæta í einhverju rauðu og með
höfuðfat.
13:30-14:30 Kynning á valgreinum næsta árs hjá 7. 8. og 9.
bekk,
foreldrar hvattir til að mæta.
13:30-14:50 10. bekkur lærir
skyndihjálp.
17:00 Tónleikar forskóla TFS – allir velkomnir
Miðvikudagur 26. maí - Ítalskt þema, dans YS og MIS og
fleira
10. bekkur lærir í Skyndihjálp kl. 8:00-9:30.
Nemendur í matreiðsluvali mæta í kennslueldhús kl. 8:00.
Aðrir nemendur mæta í hópavinnu í skólanum.
Lokakvöld unglingastigs og starfsfólks hefst kl. 19:30.
Fimmtudagur 27. maí –útivist o.fl., stigin vinna saman
Allir mæta upp í skóla, klæddir í samræmi við veður.
7. 8. og 9. bekkur eru búnir kl. 11:20 en aðrir 13:20.
10. bekkur lærir skyndihjálp frá 12:00-13:20.
Danssýning YS og MIS kl. 17:30
Föstudagur 28. maí – Ferðadagur
10. bekkur lærir skyndihjálp frá 8:00-13:20
Yngsta stig mætir upp í skóla og fer í vettvangsferð.
Miðstig mætir upp í skóla og fer í vettvangsferð.
7. og 8 bekkur verða í sumarbústað.
9. bekkur verður í utanlandsferð.
Mánudagur 31. maí Hjóla og grilldagur
8:00 Leikja- og hjóladagur.
11:20 Eggjafall og grill.
Lokið við frágang í stofum, skóla lýkur kl. 13:20.
18:00 Skólaslit.
Annað:
Við viljum svo gjarnan fá foreldra í heimsókn þessa daga, til
að taka þátt í leikjum og verkefnum eða bara til að fylgjast með.
Nánari upplýsingar verða sendar út um einstök verkefni ef það
á við.
Ekki er þörf fyrir skólatöskur þessa daga en reynslan sýnir
að gott er að hafa nóg nesti.
Eggjafall
Markmiðið með eggjafalli er búa svo vel um 2 egg, að þau
brotni ekki, þó þau séu látin falla til jarðar úr nokkurri hæð. Allir
nemendur og starfsmenn eru hvattir til að vera með.
Reglur:
·
Eggin þurfa að vera tvö í sömu umbúðum.
·
Umbúðirnar mega ekki vera stærri en 20x20x20
cm.
·
Eggin þurfa að vera hrá. Athugið að gengið
verður úr skugga um það eftir að eggin hafa verið látin falla.
Þetta er aðeins gert til skemmtunar og engin verðlaun eru
í boði, einungis ánægjan af að hafa hannað svo flottar umbúðir að eggin
brotni ekki, þó þeim sé fleygt fram af húsvegg.
Foreldrar eru hvattir til að heimsækja skólann þessa daga
eftir því sem tími og aðstæður leyfa.
Starfsfólk GF
(17.05.10) Skipulaga prófa vor 2010
9.-10. 7. og 8.
17. maí
Íslenska kl. 10:00-11:20 Stærðfræði 8:00-9:30
18. maí
Enska 8:00-9:30
19. maí
Stærðfræði 10:00-11:20
20. maí
Enska kl. 8:00-11:20 Danska í dönskutímum
21. maí
Danska kl 8:00-9:30 Íslenska kl. 8:00 og 8:50
Samfélagsfræði
próf fara fram í öllum samfélagsfræði tímum í vikunni
(26.04.10) Páskafrí
Gleðilega páska!
Kennsla hefst að loknu páskafríi,
þriðjudaginn 6. apríl kl. 8:00.
(03.03.10) Stóra upplestrarkeppnin
Miðvikudaginn 3. mars fór Stóra
upplestrarkeppnin fram í Grunnskóla Fáskrúðsfjarðar. Þetta var hátíðleg
stund þar sem nemendur 7. bekkjar fluttu sögu og ljóð fyrir gesti. Dómnefndar
beið erfitt verk að skera úr um hverjir yrðu fulltrúar skólans á
Héraðshátíðinni, Sigurbjörg Sigurðardóttir og Unnar Ari Hansson voru valin
og varamaður er Dagur Már Óskarsson. Við óskum öllum í 7. bekk til hamingju
með frábæra frammistöðu.
Héraðshátíð Stóru upplestrar keppninnar fyrir suðursvæðið það
er að segja fyrir skólana á Breiðdalsvík, Fáskrúðsfirði, Reyðarfirði,
Eskifirði, Nesskaupstað og Mjóafirði verður haldin í sal Grunnskólans á
Fáskrúðsfirði kl. 17.00 þann 15. mars.
(21.02.10) Febrúar
Það hefur verið margt um að vera hjá okkur í febrúar eins og svo oft áður.
Þann 4. feb. var haldið Þorrablót. Nemendur í 1. -6. bekk héldu Þorrablót
að morgni en eldri nemendur og starfsfólk að kvöldi. Það er orðin hefð í
skólanum að halda Þorrablót og nota tækifærið til að kynnast ýmsum íslenskum
hefðum. Nemendur sjá um veislustjórn, flytja annál og gera góðlátlegt grín
að sjálfum sér og starfsfólki.
Þann 11. febrúar var íþróttadagur Fjarðabyggðar haldinn á
Fáskrúðsfirði en þá komum saman nemendur 7.-10. bekkjar frá öllum skólunum
í Fjarðabyggð, en þau eru tæplega 300 krakkar í allt. Keppt var í hinum
ýmsu greinum s.s. bandý, limbó, ólsen, pönnukökubakstri, ratleik, hreysti,
skák, yatzy, spurningarkeppni, sms og hlaupi. Keppnin var ekki aðalatriðið
heldur að hittast og taka þátt í skemmtilegum leik. Í lokin borðuðu allir
pizzu og franskar í sal skólamiðstöðvar.
Þann 17. febrúar er svo öskudagurinn er þá er hefð fyrir því að nemendur og
starfsfólk halda upp á daginn með því að fara í leiki og slá köttinn úr
tunnunni í íþróttahúsinu. Þar komu saman ýmsar verur, prinsessur og
ofurhetjur, riddarar og íþróttakappar og svo mætti lengi telja. Að lokunum
öskudegi fóru nemendur í vetrarfrí.
(20.01.10) Erlendir gestir
Þessa dagana er pólskur kennari Łukasz Wolny í heimsókn hjá
okkur í GF. Hann fékk EEA styrk (samstarf Evrópulanda) til að kynna sér
skólastarf í íslenskum skóla og dvelur hér í tvær vikur, er með í
kennslustundum og ræðir við starfsmenn og nemendur. Hann mun líka fræða
bæði starfsmenn og nemendur um Pólland og skólann sem hann kennir við. Hann
er kennari í litlum skóla með 86 nemendum á aldrinum 6-13 ára. Skólinn er í
litlu þorpi sem er þó á mjög þéttbýlu svæði í Mysłowice-Dziećkowice í suður
Póllandi.
William Wermeister frá Frakklandi verður áfram gestakennari
við GF til loka mars. Á næstu vikum tekur hann þátt í og aðstoðar við
enskukennslu á unglingastigi, vinnur að verkefni um Frakkland með 7. og 8.
bekk, vinnur að verkefni um frönsku sjómennina með 9. og 10. bekk, aðstoðar
við samskipti nemenda í 4. bekk við skóla í Gravelines og kennir fullorðnum
frönsku á kvöldnámskeiði hér á Fáskrúðsfirði. William kom hingað í
gegnum Comeniusar verkefni Evrópusambandsins sem ætlað er að stuðla að
samskiptum og samvinnu í Evrópulöndum.
(08.01.10) Námsmatsvika
11.-15. janúar 2010
Næsta vika er námsmatsvika og þá verður lokið við námsmat
fyrir haustönn. Staða nemenda er metin jafnt og þétt yfir veturinn og því
er lítið um hefðbundin próf þessa viku og lítið um frávik á stundaskrá þessa
daga. Ýmsar kannanir verða samt lagðar fyrir og því mikilvægt eins og aðra
daga að sofa vel og vera vel upplagður.
Það er mikilvægt fyrir nemendur á unglingastigi að undirbúa
sig vel fyrir kannanir, því það er liður í náminu.
Foreldradagur verður síðan 26. janúar þar sem foreldrar og
nemendur ræða niðurstöður námsmats og fá tækifæri til að ræða það og annað
er lýtur að skólastarfinu við umsjónarkennara.
Kannanir/próf hjá 9. og 10. bekk.
11.jan. mánudagur 12:30 Danska
12.jan. þriðjudagur 8:00 Enska
13.jan. miðvikudagur 12:00 Íslenska
14.jan. fimmtudagur 8:00 Náttúrufræði og
Danska (hlustun)
19. jan. þriðjudagur 8:00 Samfélagsfræði
Kannanir/próf hjá 7. og 8. bekk.
11. jan. mánudagur 12:00 Enska hjá 7. b og
íslenska hjá 8. b
12. jan. þriðjudagur 12:00 Danska
14. jan. fimmtudagur 8:00 Íslenska 7. b. og enska hjá
8. b.
Valgreinar sem falla niður þessa viku eru íþróttafræði,
boltaíþróttir, knattspyrnuval og listasmiðja. Föstudaginn 8. jan. verður
farið yfir valgreinar vegna vorannar. Þá fá nemendur tækifæri til að skipta
um valgreinar, ný önn hefst 18. jan.
(19.12.09) Leiksýning -
Fagur fiskur í sjó
Undanfarnar vikur hefur unnið að uppsetningu á leikriti í GF.
Það er unnið í samvinnu leikstjórans Ástu Hlínar og nemenda GF.
Þátttakendur í sýningunni eru nemendur úr 7.-10. bekk og nokkrir yngri
aukaleikarar.
Leikritið var frumsýnt 17. des.
og verður sýnt aftur 19. des. kl. 17:00 - óvíst er með fleiri sýningar.
Sýningin tekur um 30 mín og aðgangseyrir er kr. 500.
Hvetjum sem flesta til að taka sér stutta stund og sjá það
sem krakkarnir eru að fást við.
(30.11.09) Opið hús og
vígsla skólamiðstöðvar Fáskrúðsfirði
Þann 1. desember kl.
17:00-19:00 verður opið hús í Skólamiðstöðinni á Fáskrúðsfirði.
Leikskólinn, grunnskólinn, bókasafnið og tónlistarskólinn
verða opin.
Kl. 17:30 verður
skólamiðstöðin formlega vígð.
Verkefni nemenda verða til
sýnis og einnig verða ýmis tónlistaratriði. Sýningar byggja á vinnu nemenda
á þemadögum í október, þar sem þemað var saga Fáskrúðsfjarðar og skólasagan.
Það eru allir velkomnir og
okkur langar til að fá sem flesta í heimsókn.
Nemendur og starfsfólk í skólamiðstöð!
(24.11.09) Lego keppnin
Laugardaginn 7. nóvember tóku krakkarnir í 8. bekk í þátt
Legókeppninni sem að þessu sinni var haldin í Ásbrú í Reykjanesbæ. Eins og
áður tóku krakkarnir smá forskot á sæluna og mættu til höfuðstaðarins á miðvikudeginum. Ýmislegt var brallað dagana fram að keppninni m.a. heimsóttu
þau Marel en myndin með fréttinni er einmitt tekin þar.
Að þessu sinni voru 12 lið skráð til keppni og þar af 5 lið
frá Austurlandi sem vakti mikla athygli keppnishaldara.
Krakkarnir stóðu sig með stakri prýði og árangurinn eftir því.
Góður árangur í þrautabraut og fyrstu verðlaun fyrir rannsóknarverkefnið
urðu staðreynd. Verkefnið fjallaði um almenningssamgöngur í
Fjarðabyggð og hvernig hægt væri að gera þær skilvirkari.
Krakkarnir vilja koma á framfæri þakklæti til allra sem
aðstoðuðu þá og styrktu til ferðarinnar.
(18.11.09) Árshátíð GF
Miðvikudaginn 18. nóv. var árshátíð GF haldin í
skólamiðstöðinni á Fáskrúðsfirði. Þetta var söguleg stund því þetta var
fyrsti viðburðurinn af þessu tagi í nýja salnum, starfsfólk og nemendur voru
því að læra á nýtt umhverfi og nýja tækni.
Árshátíðin heppnaðist vel, að þessu sinni byggðist árshátíðin
á atriðum frá hverju stigi, það voru sýndir leikþættir, söngur, dans og
myndbönd. Margt var frumsamið eða a.m.k. aðlagað aðstæðum. Samkvæmt venju
sá 9. bekkur um öll framkvæmdaatriði, kynningu, tæknistjórn, veitingar og
margt fleira. Til hamingju með fyrstu árshátíðina í skólamiðstöðinni.
Á myndinni er brot úr atriði 7. og 8. bekkjar.
(16.11.09) Nemendur í 9. og 10.
bekk GF sigruðu í Raunveruleiknum.
Raunveruleikurinn er gagnvirkur hermileikur, hannaður sem
fjármála- og neytendafræðsla í efsta bekk Grunnskóla. Með Raunveruleiknum
eiga nemendur að fá innsýn í þær ákvarðanir sem venjulegur þjóðfélagsþegn
þarf að taka á lífshlaupi sínu og hvaða tækifærum og hindrunum hann stendur
frammi fyrir í lífinu.
Raunveruleikur er keppni og var spilaður í fjórar vikur, frá
12. október. Þátttakendur þurftu að skrá sig inn í leikinn alla virka daga
og vinna verkefni (jafnvel þó frí væri í skólanum). Þátttakendur þurftu að
taka fjölda ákvarðana, lesa örlög sín, fylgjast með fréttum, athuga með
atvinnu og bregðast við öllu því sem á daga þeirra dreif í leiknum.
Það er skemmst frá því að segja að nemendur í 9. og 10. bekk
GF tóku forystu strax í upphafi leiks og héldu henni allt til loka. Þessir
nemendur urðu stigahæsti hópurinn í leiknum og þau fengu afhent verðlaun
föstudaginn 13. nóvember. Allir nemendur í bekkjunum fengu afhenta iPod
shuffle, ásamt viðurkenningarskjali.
Nánar um leikinn.
(12.10.09) Vígslu skólamiðstöðvar frestað
Í dag var um það bil helmingur nemenda fjarverandi úr skólanum.
Ákveðið hefur verið að fresta vígslu skólamiðstöðvar um ókveðinn tíma.
Þemavinna heldur áfram þriðjudaginn 13. okt. og við ætlum að hefja hefðbundna kennslu
aftur á miðvikudaginn.
Ætlunin er að fylgja stundaskránni í megin atriðum á næstu dögum, en ekki
verður þó byrjað á nýjum hópverkefnum fyrr en meirihluti nemenda fer að
skila sér aftur í skólann.
(10.09.09) Inflúensa A(H1N1)v
Svo virðist sem inflúensan sé að stinga sér niður hjá okkur.
Föstudaginn 9. okt. voru 20 nemendur frá skóla vegna veikinda,
það eru vissulega fleiri pestir á ferðinni en nokkrir nemendur eru
væntanlega með inflúensuna A(H1N1)v.
Algengustu einkenni flensunnar eru:
Hósti, hiti, hálssærindi, slappleiki og höfuðverkur. Sumir fá
einnig ógleði, uppköst og/eða niðurgangur. Flensan stendur oftast yfir í
2-5 daga.
Heilsugæslan leggur áherslu á að þeir sem veikjast hafi hægt
um sig og komi ekki til skóla eða vinnu fyrr en 2 dögum eftir að
þeir eru orðnir einkennalausir.
Skólinn hefur gefið út
viðbragðsáætlun vegna flensunnar og þar er lögð áhersla á að nýta
tölvupóstinn til foreldra sem mest til að miðla upplýsingum og tilkynna um
hugsanlegar breytingar á skólastarfi.
Veikindi nemenda er hægt að tilkynna í tölvupósti á netfangið
fask@skolar.fjardabyggd.is eða í síma 475 9020 og gott væri að fá að frétta
hvort nemendur sem eru veikir séu með einkenni inflúensu.
Nánari upplýsingar um flensuna eru á
influensa.is
(09.10.09) Opið hús og
vígsla skólamiðstöðvar Fáskrúðsfirði
Þann 14.
október kl. 17:00-19:00 verður opið hús í Skólamiðstöðinni á Fáskrúðsfirði.
Leikskólinn,
grunnskólinn, bókasafnið og tónlistarskólinn verða opin.
Kl. 17:30 verður skólamiðstöðin formlega vígð.
Verkefni
nemenda verða til sýnis og einnig verða ýmis tónlistaratriði. Síðustu viku
hafa staðið yfir þemadagar, þar sem þemað er saga Fáskrúðsfjarðar og
skólasagan.
Það eru allir
velkomnir og okkur langar til að fá sem flesta í heimsókn.
Nemendur og starfsfólk í skólamiðstöð
Óskalisti yfir hluti sem vantar í
skólamiðstöð.
(07.10.09) Þemadagar 8.-14. okt. og vígsla skólamiðstöðvar
Þemadagar eru 8.-14. október.
Þemað að þessu sinni verður saga heimabyggðarinnar með áherslu á
skólasöguna sem síðan getur leitt verkefnin í ýmsar áttir.
Skipt verður í 4 hópa, hver hópur nálgast verkefnið eftir mismunandi leiðum.
Skreytingar
·
ljúka listaverkum sem setja á upp í salnum,
·
skreyta lóðina – mála veggina, búa til Parísa
o.fl.
Skólasagan
·
skólahald á Fáskrúðsfirði fyrr og nú – búa til
kynningu í máli og myndum
·
búa til myndband um skólann og nemendur
·
taka viðtöl við fólk út í bæ
·
útbúa ratleik sem nota má fyrir gesti á
vígsluhátíðinni (og oftar)
Skólasýning
·
undirbúa og setja upp sýningu á gömlum munum og
skólaverkefnum
·
fá gesti sem segja frá því hvernig skólinn var
áður fyrr
·
kynnast því hvað fyrirverandi nemendur GF eru
að gera
Bærinn okkar
·
unnið með Fáskrúðsfjörð í máli og myndum út frá
áhugasviði nemenda.
·
útbúin verður tímalína sem nemendur tengja
athuganir sínar við
·
finna heimildir með viðtölum og vettvangsferðum
Auk þess vinna allir hópar hálfan dag í heimilisfræðistofunni (samtal 120
mín ) og hver hópur rifjar upp gamla leiki í tvisvar sinnum í vikunni 80 mín
í hvort skipti.
Þemadagana verða allir nemendur í skólanum frá kl. 8:00-13:20. Eldri
nemendur geta búist við að þurfa að vinna lengur einhverja daga að sínum
verkefnum og undirbúningi fyrir vígsluhátíð. Skólabækur eru alfarið lagðar
til hliðar þessa daga, en mikilvægt er að vera vel klæddur og hafa gott
nesti. Í hverjum hóp eru nemendur frá öllum aldursstigum.
Er einhver tilbúinn að lána?
Fyrirhugað að setja upp sýningu á ýmsum munum tengdum skólastarfi á staðnum
í gegnum árin: Ef þið eigið mögulega eitthvað gamalt sem þið viljið lána
okkur, t.d. töskur, bækur, pennastokka, skriffæri, myndir eða jafnvel föt
sem þið genguð í, væri það vel þegið. Einnig væri gaman að fá handavinnu og
smíðastykki sem þið bjugguð til á ykkar skólagöngu.
Á þemadögum notum við líka mikið af garni og efnum, núna leitum við
sérstaklega eftir grænum bútum og grænu garni.
Gott er að þeir sem vinna í skreytinga hópnum á þemadögunum séu í fötum sem
má slettast á málning.
Ef þið viljið leggja okkur lið þá vinsamlegast hafið samband við Pálínu í
síma 475-9020 eða fask@skolar.fjardabyggd.is
(02.0.09) Tómstundir og félagsstarf
Þann 1. okt. var samráðsfundur aðila sem starfa með börnum og
unglingum á Fáskrúðsfirði og Stöðvarfirði. Í framhaldi af þeim fundi eru
hér birtar helstu upplýsingar um tómstundastarf.
Æfingatafla Leiknis, þar sem fram koma
tímasetningar æfinga í blaki, frjálsum íþróttum, fimleikum og knattspyrnu.
Sundæfingar verða á miðvikudögum,
17:30-18:15 fyrir 2.-4. bekk og 18:15-19:00 fyrir 5. bekk og eldri. Umsjón
Eva Ösp Örnólfsdóttir 847 5103.
Tónlistarskólinn býður upp á
kóræfingar á föstudögum fyrir nemendur á Yngsta stigi kl. 13:30 og
fyrir 4. bekk og eldri kl. 14:30. Umsjón Valdimar Másson 891 6035.
Félagsmiðstöðin Hellirinn verður
opin á fimmtudögum kl. 17.00-19:00 fyrir krakka á miðstigi og fyrir krakka í
7.-10. bekk þriðjudaga og fimmtudaga kl. 20:00-22:00 og annan hvern föstudag
kl. 20:00-23:00. Umsjón Guðbjörg Steinsdóttir 772 1273.
Nokkrir nemendur við GF eru nú að undirbúa leiksýningu og verða
stífar æfingar hjá þeim seinnihluta nóvember. Umsjón Ásta Hlín Magnúsdóttir
846 6218.
.
Björgunarsveitin Geisli býður upp á
unglingastarf fyrir 13-18 ára annan hvern á miðvikudag kl. 20-22 (var 30.
sept). Umsjón Marjolyn 863 5839.
(24.09.09) Vel hepnaður útivistardagur
Það runnu tvær grímur á
marga þegar litið var út um gluggann 23. september og við blasti snjór niður
í miðjar hlíðar. Samt sem áður var ákveðið að halda áætlun og fara í
fjallgöngur þar sem veðurútlitið var mjög gott. Allt gekk vel og allir
komumst aftur til byggða.
Yngsta stig fór ásamt
elstu nemendum leikskólans upp með Skjólgilsánni og þeir hressustu fóru
aðeins lengra en upp á brún. Leiksskólakrakkarnir gáfu grunnskólanemendum
ekkert eftir á göngunni.
Miðstigið gekk yfir á
Stöðvarfjörð frá Hvammi. Nemendur úr 5. 6. og 7. bekk á Stöðvarfirði komu
með í ferðina. Gangan gekk mjög vel, þó gengið hafi verið í snjó smá spöl.
Við hópnum blöstu álftapar sem synti um Hvammsvötnin spegilslétt, Steðjinn
skartaði sínu fegursta og Súlurnar tóku vel á móti hópnum. Útisýni yfir
utanverðan Fáskrúðsfjörðinn var líka frábært. Þegar komið var á
Stöðvarfjörð beið matur í skólanum þar og eftir matinn heimsóttum við
Steinasafnið undir dyggri leiðsögn Jónatans Leós og Magneu Maríu. Í
Steinasafninu var hópnum líka boðið upp á lummur og drykk.
Unglingastigið gekk á
Digratind, og óhætt er að segja að það sé fjallganga sem tekur á.
Fararstjórar lögðu upp með það að hugsanlegt væri að fara ekki alla leið á
fjallið ef gangan reyndist erfið. Skemmst er frá því að segja að allir
hópar komumst á toppinn með glæsibrag. Það er svo sannarlega flott útsýni
yfir bæinn af tindinum og út fjörðinn og frábært að standa á toppnum.
Margir bæjarbúar tóku fram kíkinn og horfðu á nemendur á toppnum. Örfáir
nemendur fóru ekki alla leið þegar eitthvað í útbúnaði bilaði.
Frábær árangur og þegar
leið á daginn fylltist fótboltavöllurinn af börnum sem virtust ekki vitund
þreytt eftir göngurnar.
Margir nemendur kynntust
því þennan dag hvernig er að vera blautur í fætur, en við það bjó nú
íslenska þjóðin öldum saman og vonum við því að engum verði meint af.
Kærar þakkir til allra
sem aðstoðuðu bæði í göngunum og við að keyra nemendur á milli staða.
Myndir komnar á vefi nemenda.
(23.09.09) Skólafærni námskeið og kynningarfundir f.
foreldra
Fjölmennur
kynningarfundur fyrir foreldra var haldinn í skólanum 22. september. Þar
var margt rætt s.s. skipulag dagsins, starfsemi foreldrafélagsins,
námsáætlanir, námsgögn kynnt og margt fleira rætt. Margar góðar ábendingar
komu frá foreldrum á þessum fundum sem við munum nýta okkur í skólastarfinu.
Fyrsta skólafærninámskeiðinu sem haldið er í GF lauk 23. sept og tóku
foreldrar 14 nemenda þátt í því. Þetta námskeið verður örugglega haldið
aftur með smávægilegum breytingum í ljósi reynslunnar.
(18.09.09) Samræmdum prófum lokið - útivistardagur
framundan
Nú í ár er stefnt að því að hafa útivistardaginn 23. september ef veður leyfir. Ef einhverjar breytingar verða vegna veðurs eða
einhvers annars þá verða þær upplýsingar settar inn á vef skólans,
www.fask.is
Gönguleiðirnar í ár eru eftir farandi:
Yngsta stig – Gengið upp með
Skjólgilsánni.
Miðstig – Gengið yfir
Hvammsheiði.
Elsta stig - Gengið upp á
Digratind.
Nemendur á yngsta stigi eru beðnir um að mæta fyrir innan
Ljósaland kl: 8:00.
Nemendur á miðstigi og unglingastigi mæta við skólann kl:
8:00.
Nemendur á unglingastigi eru hvattir til að hafa með sér
myndvélar ef þeir geta svo hægt sé að safna fjölbreyttum myndum frá nemendum.
Gaman væri ef einhverjir foreldrar kæmust með í gönguferðir.
Ef einhverjir foreldrar sjá sér fært að keyra nemendur að
þeim stöðum sem lagt er af stað frá, þá eru þeir beðnir um að hafa samband
við skólann á tölvupósti eða í síma 475-9020.
Gott er að hafa í huga áður en lagt er af stað í göngur:
